Felices festas

 

CHOUZO SOBRE XEO

Familias do Chouzo!

Estamos organizando unha xornada de patinaxe sobre xeo na pista de Samil durante a mañá do vindeiro 23 de decembro. Anotádevos ata o 30 de novembro no local da ANPA ou na dirección de correo anpaceipchouzo@gmail.com indicando nome do neno/a, curso e grupo. Uns días despois, confirmaremos polas nosas redes sociais se chegamos ao mínimo de 30 nenos/as anotados para que se poida celebrar a actividade. O prezo final será de 3, 4 ou 5 €, en función do total de nenos/as participantes, e se sae o grupo teriades que pagar por adiantado. Cantos máis sexamos, máis barato será e máis diversión para todos/as!

ANIMÁDEVOS!!

🌰🌰 MAGOSTO 2021 🌰🌰

O venres día 12 de novembro celebrarase o magosto no cole durante o horario lectivo. Como todos os anos, un grupo de mamás e papás voluntarios encargarémonos de picar as castañas a tarde antes e de asalas o día do magosto.
Para poder facer todo isto, necesitamos axuda polo que pedimos VOLUNTARIAS E VOLUNTARIOS para os dous días.
O xoves a partir das 16:00 h estaremos no local pola tarde picando as castañas e preparando todo, e o venres en horario lectivo a partir das 9:00 h da mañá asándoas no cole.
Se queres participar, apúntate antes mandando un correo a: anpaceipchouzo@gmail.com
Entre o luns e o martes chegaravos a circular pedindo castañas a cada neno, unhas 15-20 castañas por neno/a, XA PICADAS, para que llelas leven ás súas titoras, información que irá ampliada por unha circular de dirección.
Grazas e un saúdo!

CARNÉ DE SOCIO

Xa temos os carnés de todas as familias socias da nosa ANPA!

Podedes pasar polo local para recoller o voso a partir das 9:15 h ou polas tardes os mércores e os xoves a partir das 17:15 h. Lembrade que para ter o voso carné, debedes aboar a cota de socio e entregar a ficha cos vosos datos. 

Co carné poderedes beneficiarvos dunha serie de descontos, que atoparedes na sección "Carné de socio" do noso blog. E se coñecedes a algún establecemento interesado en colaborar, non dubidedes en escribir a anpaceipchouzo@gmail.com

CONVOCATORIA ASEMBLEA XERAL ORDINARIA

A ANPA “EMILIA PARDO BAZÁN” convoca a tódolos/as socio/as á ASEMBLEA XERAL ORDINARIA que terá lugar no comedor o MARTES 9 de NOVEMBRO ás 17:00 horas en primeira convocatoria e ás 17:30 horas en segunda coa seguinte orde do día:
● LECTURA E APROBACIÓN DA ACTA ANTERIOR
● INFORME ESTADO DE CONTAS
● INFORME DA XUNTA DIRECTIVA
● CREACIÓN DE GRUPOS DE TRABALLO E VOLUNTARIADO
● ROGOS E PREGUNTAS

AVISO PARA FAMILIAS ANOTADAS EN PISCINA

Lembrade que as clases empezan o primeiro día do mes de outubro que vos corresponda, e que os nenos e nenas teñen que levar unha bolsiña plástica con autopeche para gardar a máscara durante a práctica deportiva (non obrigatoria en menores de 6 anos). Máis indicacións na sección Actividades extraescolares do blog da ANPA.

AVISO ÁS FAMILIAS EN LISTA DE AGARDA DE MADRUGADORES

Abrimos un novo grupo polo que este venres día 24 xa podedes empezar a facer uso do servizo de Madrugadores.
Lembrade que todos os nenos e nenas teñen que levar máscara, tamén os de Infantil.

PRAZAS DE PISCINA ESGOTADAS

Lamentamos comunicar que xa non quedan prazas de piscina

Novidades de PISCINA!!

Ampliamos días e horarios dos grupos:

De luns a venres de 16:00-16:45 h
E de martes a venres de 16:45-17:30 h (neste horario, hai menos prazas)

En xeral, tende en conta que hai moitas menos prazas que na época preCOVID.
E lembrade, as preinscricións son o xoves 16 e o venres 17 de 17:00 a 18:30 no local da ANPA. Despois deberedes esperar pola confirmación da praza, e unha vez a teñades, facer o pagamento.
Nota: por favor, facede fila respectando as distancias.

Grazas, familias!!!!

GRUPO DE MADRUGADORES COMPLETO

Informamos a todas as familias de que o grupo de madrugadores xa está completo. Seguimos recollendo inscricións, ás que se lles irá asignando un número en lista de agarda, ante a posibilidade de abrir un 2º grupo en función da demanda.

Preinscrición madrugadores curso 2021-2022

O servizo de madrugadores dará comezo o día 9 de setembro coas mesmas condicións e prezos que o curso pasado (máis información aquí).

As familias interesadas en facer uso do servizo madrugadores xa podedes preinscribirvos mandando a ficha de inscrición por correo a tesoreriaanpachouzo@gmail.com indicando o nome do(s) neno(s) ou nena(s), o curso escolar e grupo, se é de infantil ou primaria, e os días que necesitades o servizo.

Lembrade que as prazas son limitadas. Por iso, unha vez recibida a vosa preinscrición, enviarémosvos un correo de confirmación da praza ou ben da vosa inclusión en lista de espera.

Devolucións e doazóns "fondo de libros" da ANPA (II)

Aviso para as familias con libros do "fondo de libros" da ANPA e para as que queiran facer doazóns. Os próximos días 6 e 7 de xullo estaremos no local de 9:30 a 11:00 para recollelos. Grazas.

Devolucións e doazóns "fondo de libros" da ANPA

Aviso para as familias con libros do "fondo de libros" da ANPA e para as que queiran facer doazóns. Os próximos días 23, 24 e 25 de xuño estaremos no local de 9:00 a 10:30 para recollelos. Grazas.

FONDO DE LIBROS DA ANPA

Prezadas familias:

Para o vindeiro curso 2021-22 tamén faremos un fondo de libros na ANPA polo que solicitamos a vosa colaboración a través de doazóns de libros de texto (3° a 6° de Primaria), libros de lectura ou dicionarios.
Aqueles que desfrutaron dos libros da ANPA deben devolvelos con cita previa no correo electrónico: anpaceipchouzo@gmail.com

Como solicitar ou doar?

1. Escribir un correo electrónico a anpaceipchouzo@gmail.com
2. Asunto: Fondo libros da ANPA.
3. Corpo da mensaxe: Nome do alumno, curso para o que solicita / doa libros e número de teléfono.
4. Para os que solicitan libros, asignaráselles número de solicitude e avisaráselles cando os teñamos.
5. Para os que doan, fixarase unha cita para deixar os libros.

O prazo para as solicitudes ou doazóns será dende o día 22 de xuño ao 16 de xullo.

Un saúdo!

CONVOCATORIA ASEMBLEA XERAL ORDINARIA E EXTRAORDINARIA

CONVOCATORIA ASEMBLEA XERAL ORDINARIA

A ANPA “EMILIA PARDO BAZÁN” convoca a tódolos/as socios/as á ASEMBLEA XERAL ORDINARIA que terá lugar o MÉRCORES 2 de XUÑO ás 17:00 horas en primeira convocatoria e ás 17:30 horas en segunda no comedor coa seguinte orde do día:
- LECTURA E APROBACIÓN DA ACTA ANTERIOR
- INFORME ESTADO DE CONTAS
- INFORME DA XUNTA DIRECTIVA
- ROGOS E PREGUNTAS

CONVOCATORIA ASEMBLEA XERAL EXTRAORDINARIA

A ANPA “EMILIA PARDO BAZÁN” convoca a tódolos/as socios/as á ASEMBLEA XERAL EXTRAORDINARIA que terá lugar o MÉRCORES 2 de XUÑO ás 18:00 horas en primeira convocatoria e ás 18:30 horas en segunda no comedor coa seguinte orde do día:
- RENOVACIÓN DA XUNTA DIRECTIVA

🌱🌿 Xardín de plantas aromáticas 🌿🌱

Desde a ANPA propuxemos un proxecto ao cole, que aceptaron con moito gusto. Trátase da creación dun xardín de plantas aromáticas no prado do hórreo.
A idea é poder facelo a próxima semana, sempre que o tempo nolo permita, e para iso necesitamos de mans voluntarias que queiran vir traballar un par de tardes ao cole.
Saibas ou non saibas de xardíns ou hortas, se tes ganas de axudar, mándanos un correo a anpaceipchouzo@gmail.com indicando os teus datos e poñerémonos en contacto contigo para indicarche día e hora (será sempre en horario de tarde).

 

Prórroga libros de texto

Comunícase que a Xunta prorrogará a vixencia dos libros de 4º e 6º de Primaria e de 1º e 3º de ESO para evitar un gasto extraordinario nas familias.

Máis información: http://www.edu.xunta.gal/portal/node/33475

DEVOLUCIÓN PISCINA CURSO 2019-2020

Aviso a todas as familias anotadas no 2º cuadrimestre da actividade de PISCINA durante o curso 2019-2020:
Para recibir a devolución da parte do curso non desfrutada por causa da cancelación da actividade debido á COVID, por favor enviade un correo a tesoreriaanpachouzo@gmail.com co asunto PISCINA APELIDOS DO(S) NENO(S) e a seguinte información:

Número de conta bancaria en formato IBAN (ES seguido de 22 cifras)
Titular da conta
Número de irmáns anotados na actividade

Moitas grazas!

ENTROIDO 2021

Queridas nenas e nenos e queridas familias do Chouzo:

Este ano para celebrar o Entroido, a ANPA convídavos a participar nun concurso de disfraces virtual!
Só tedes que sacarvos unha foto co voso traxe de entroido e enviala a anpaceipchouzo@gmail.com. A comisión de festas da ANPA elixirá as fotos gañadoras. O prazo para enviar as fotos é do 12 ao 17 de febreiro.

Lede atentamente as bases do concurso a continuación, ou descargade o arquivo facendo clic aquí.