Formación Xunta de Galicia: "A familia como base do crecemento persoal e emocional"

A Xunta de Galicia desenvolverá unha nova xornada de formación dirixida ás familias co título “A familia como base do crecemento 

persoal e emocional”.

A formación abordará aspectos como o desenvolvemento infantil e adolescente e como apoiar os cambios físicos e emocionais que se dan nestas etapas, así como a análise do impacto da tecnoloxía nas rapazas e rapaces e a importancia do seu uso responsable.

 A xornada terá lugar o vindeiro sábado 21 de febreiro no Auditorio do Conservatorio Superior de Música de Vigo en horario de mañá. Pódese realizar a inscrición de balde a través do Portal Educativo, na ligazón 

https://centros.edu.xunta.gal/dxoie/gl/form/inscricion-formacion-de-familias, 

ata completar o límite de 290 prazas.

Achégase tamén con esta mensaxe o programa da actividade.

Agradecemos a difusión desta iniciativa á comunidade educativa, especialmente ás ANPAS, para o coñecemento das familias.